Yom Tov Ehrlich - Az angyal – Egy erkölcsös ünnep video

Album: nincs kép
Előadó: Yom Tov Ehrlich
Album: Keressük!
Szövegírók: Yom-Tov Ehrlich
Zeneszerzők: Keressük a zeneszerzőt!
Kiadó: Keressük!
Stílus: jiddis
Címkék: zsidó [+]
Megtekintve: Ma 1, összesen 834 alkalommal

Beküldő

Cordis

Pontszám: 0

Dalszöveg

די תורה מיט די פעלקער

מיטן הילף פון באשעפער וועלן מיר דא רעדן
און דערציילן פון יענע פריידן
פרייט זיך אלע טאנצט און קוועלט
עס קומט די תורה אויף דער וועלט

דער באשעפער פון דער וועלט דער גרויסער בורא
זוכט א חתן פאר זיין טאכטער די הייליגע תורה
פרייט זיך אלע טאנצט און קוועלט
אלע פעלקער פון דער וועלט

דער באשעפער פרעגט ביי די פעלקער אלע
ווער וויל די תורה פאר א כלה
די פעלקער פרעגן וואס און ווען
מען וויל נישט הערן מען וויל נישט זען

און פארוואס און פארווען
לאמיר זען וואס איז געשען
*
איז דער מלאך מיט די תורה פון הימל אראפ
גענומען פליען קיין יוראפ
און קיין רוסלאנד געקומען איז ער
און געפרעגט צו א בעלן איז ווער
זאגט מען צו אים כאראשא
זאגט אונז וואס פאזשאלאסטא
זאגט זיי דער מלאך דעם ערשטן געבאט
אנכי איך בין אייער ג-ט

זאגן זיי ניין האלט עס אליין
איר ווייס נישט כאווער וואוהין צו גיין
מיר האבן געלערנט ביי די טאטעס אליין
אזוי ווי ביי אונז איז שיין
ניין ניין האלט עס אליין
מיר האבן אן אנדער מיין
אפשר פראוווט קיין דייטשלאנד גיין
אפשר וועט מען אייך פארשטיין
*
איז דער מלאך געפלויגן גלייך אהין
און איז געקומען קיין בערלין
און די דייטשן די תורה ווייזט ער
און פרעגט צו א בעלן איז ווער
זאגן זיי מיר זיינען גרייט
זאגן זיי דערווארהייט וואס דארט שטייט
זאגט זיי דער מלאך לא תרצח
טויטן איז נישט קיין שיינע זאך

זאגן זיי ניין האלט עס אליין
איר ווייסט נישט מיין הער וואוהין צו גיין
מיר האבן געלערנט ביים פאטער אליין
אז טויטן דארף מען וואס מיין
ניין ניין האלט עס אליין
מיר האבן אן אנדער מיין
פילייכט פרובירן זי קיין פראנקרייך גיין
אפשר וועט מען אייך פארשטיין
*
איז דער מלאך געפלויגן ווייטער ביז
ער איז געקומען קיין פאריז
די פראנצויזן די תורה ווייזט ער
און פרעגט צו א בעלן איז ווער
זאגן זיי סיל וואו פליי
זאגט אונז וואס און ווי אזוי
גיט זיי דער מלאך צו פארשטיין
דער פאמיליע לעבן דארף זיין ריין

זאגט זיי ניין האלט עס אליין
איר ווייסט נישט מיסיאר וואוהין צו גיין
מיר האבן געלערנט ביי די טאטעס אליין
אזוי ווי ביי אונז איז שיין
ניין ניין האלט עס אליין
מיר האבן אן אנדער מיין
אפשר פראוווט קיין ענגלאנד גיין
אפשר וועט מען אייך פארשטיין
*
איז דער מלאך געפלויגן ווייטער אין וועג
קומט קיין לאנדאן אויפן ברעג
און די ענגלענדער די תורה ווייזט ער
און פרעגט צו א בעלן איז ווער
זאגן זיי טענק יו סער
ווייזט נאר איין געזעץ אהער
זאגט זיי דער מלאך לא תחמוד
איר זאלסט נישט גלוסטן וואס יענער האט

זאגן זיי ניין האלט עס אליין
איר ווייסט נישט מיסטער וואוהין צו גיין
מיר האבן געלערנט ביי די טאטעס אליין
אז גלוסטן דארף מען וואס מיין
ניין ניין האלט עס אליין
מיר האבן אן אנדער מיין
אפשר פראוווט קיין אמעריקא גיין
אפשר וועט מען אייך פארשטיין
*
איז דער מלאך געפלויגן וויטער מיט זארג
און איז געקומען קיין ניו יארק
די אמעריקאנער די תורה ווייזט ער
און פרעגט צו א בעלן איז ווער
זאגן זיי טענק יו פיין
וואס פאר א ביזנעס וואס פאר א ליין
זאגט זיי דער מלאך הערט מיט קאפ
כבוד טאטע מאמע גיט אפ

זאגן זיי ניין האלט עס אליין
מיר גיבן אפ כבוד נאר דער יוגנט אליין
פאר די עלטערע גענוג איז פאר זיי
דער יום טוב מאדערס דעי
ניין ניין האלט עס אליין
מיר האבן אן אנדער מיין
אפשר פראוווט צו די אראבער גיין
אפשר וועט מען אייך פארשטיין
*
איז דער מלאך געפלויגן און געבליבן שטיין
אין אזיע אין עבר הירדן
די אראבער די תורה ווייזט ער
און פרעגט צו א בעלן איז ווער
זאגן זיי גוט מאפסוט
ווייזט נאר פריער וואס מען טוט
זאגט זיי דער מלאך לא תגנוב
נישט גנב'ע און נישט בלאף

זאגן זיי ניין האלט עס אליין
איר ווייסט נישט כאוואדזשא וואוהין צו גיין
מיר האבן געלערנט ביי די טאטעס אליין
אז גנב'ענען דארף מען וואס מיין
ניין ניין האלט עס אליין
מיר האבן אן אנדער מיין
אפשר פראוווט צו די אידן גיין
אפשר וועט מען אייך פארשטיין
*
אין מיטן וועג דער מלאך שטייט
זעט ער א איד א משולח גייט
דער טלית קטן לאנג און ברייט
האט ער זיך דערפרייט
די תורה האט ער אים דערלאנגט
און דער משולח האט בעדאנקט
ווארט נאר זאגט ער איילט זיך ניט
איך גיב אייך א רעסיט

קיין גלייכע פארל האט איר נישט
ווי די תורה מיט דעם איד
ביידע זיינען די בעסטע פריינד
ווייל מען האט זיי ביידן פיינט
אין איין בורא גלויבט דער איד
און קיין שלעכטס טאן קען ער נישט
און כבוד טאטע מאמע גיט
און דעם הייליגן שבת היט

ווי דער מלאך האט עס דערהערט
האט ער זיך צוריקגעקערט
און געזאגט אויפן הימל דארט
אז די תורה איז אויף'ן בעסטן ארט
 
Hozzászólás írásához kérjük jelentkezz be!

Zeneszöveg hozzászólások

Te vagy a kiválasztott!
Te

Még egy hozzászólás sincs, tökéletes alkalom, hogy írj valamit!

© 2022 - Zeneszöveg.hu Kft. - Minden jog fenntartva.
Kedves Látogatónk!

A Zeneszöveg.hu oldal teljes értékű használatához minimum Internet Explorer 8 vagy Google Chrome v8.0, illetve Mozilla Firefox 4.0 böngésző ajánlott. Az alábbi linkeken elérhetők a legfrissebb változatok.

Amennyiben korlátozott lehetőségekkel folytatni kívánod a böngészést oldalainkon, kattints a TOVÁBB gombra.

Tovább